Mumbai Mizoram House a thawkte nen inkawm hona hun an hmang nghal a, Mizoram Chief Secretary hian House a Mizo damlo awmte an room ah tlawhin, damlote damna tha nei thuai turin duhsakna a hlan nghal a ni. Chief Secretary hi H. Lalruatliana, Dy. Resident Commissioner, Mumbai Mizoram House chuan lo dawng sawngin, lawmthu a hrilh nghal bawk.

Khilli Ram Meena hian Chief Secretary, Maharashtra Shri Rajesh Kumar Meena, IAS chu a chenna In ah tlawh nghalin; Navi Mumbai a Mizoram House tih len na tur chungchang a sawipui nghal a. Maharashtra Chief Secretary hian Mizoram Sorkarin Mumbai a Mizoram House tih lenna tura dilna a thlente Managing Director CIDCO hnenah an dilna ngai pawimawh tur leh a tul anga hma la turin a hrilh nghal a ni.

Khilli Ram Meena hian TATA Memorial Hospitala thawkte leh a pantu Mizo cancer damlote inkarah thawhhona tha neih a pawimawh thu Maharastra Chief Secretary hnenah hian a thlen nghal a, a ni pawhin a thu thlente damdawiin hotute hnenah a bawhzui tur thu a hrilh bawk a ni.